|
Пайғамбар с.а.в. то вафот этгунларига қадар рамазон ойининг охирги ўн кунлигида эътикоф ўтирардилар. У кишидан кейин аёллари эътикоф ўтиришди. Демак, рамазон ойида эътикоф ўтириш суннатдир. Унинг учун улуғ савоб бордир.
6- Аллоҳ Таоло оятни шу айтиб ўтилган рўза ҳукмлари Аллоҳнинг ҳадлари эканини, яъни, улар гўё ҳақ билан ботилни ажратувчи ҳадлар, чегаралар эканини, ундан ўтиб кетган кимса ҳақ чегарасидан ўтиб, ботил диёрига кириб қолишини баён қилиш билан якунлаяпти.
Аллоҳ Таолонинг (فَلاَ تَقْرَبُوهَا бас, уларга (Аллоҳнинг чегараларига) яқинлашмангиз!), деган гапи Аллоҳ ҳаром қилган нарсаларга тушиб қолишдан жуда қаттиқ қайтарилаётганига далилдир. Яқинлашишдан қайтариш ичига киришдан жуда қаттиқ қайтаришдир.
Аллоҳ Таоло рўза ҳукмларини баён қилиб, уларни чегаралаб, чегаралардан ўтишни тақиқлаб қўйганидек, одамларнинг ишларига алоқадор барча ҳукмларни ҳам баён қилди ва уларга бўйсуниш Аллоҳнинг ғазаби ва азобидан сақланиш ҳамда Аллоҳнинг ризоси ва неъматига мушарраф бўлишга олиб боришини билдирди.
كَذَلِكَ يُبَيِّنُ اللّهُ آيَاتِهِ لِلنَّاسِ لَعَلَّهُمْ يَتَّقُونَ
(Одамлар ҳаром ишлардан сақланишлари учун Аллоҳ ўз оятларини мана шундай очиқ-равшан баён қилади).
@ @ @
وَلاَ تَأْكُلُواْ أَمْوَالَكُم بَيْنَكُم بِالْبَاطِلِ وَتُدْلُواْ بِهَا إِلَى الْحُكَّامِ لِتَأْكُلُواْ فَرِيقاً مِّنْ أَمْوَالِ النَّاسِ بِالإِثْمِ وَأَنتُمْ تَعْلَمُونَ
– „188. Мол-дунёларингизни ораларингизда ноҳақ — ҳаром йўллар билан емангиз! (Яъни, бир-бирингизнинг ҳаққингизни еманг!) Ва (гуноҳ қилаётганингизни) билиб туриб, одамларнинг молларидан бир қисмини ҳаром йўл билан ейиш учун (молларингизни пора қилиб) ҳокимларга узатманг!“.[2:188]
Бу муборак оят рўза ҳақидаги оятларга атф бўлиб, уюшиб келяпти. Ҳолбуки, унинг мавзуси ибодатлар эмас, муносабатлардир. Бундан мақсад икки муҳим ишни баён қилишдир:
1- Аллоҳнинг оятлари ва ҳукмлари ҳаммаси бир сафда туради. Ҳукмнинг ҳукмдан, фарзнинг фарздан фарқи йўқ. Ибодатларни баён қилган ҳам, муносабатлар, жазолар, сиёсату жиҳодни баён қилган ҳам, ахлоқни, қандай овқатланишу қандай кийинишни баён қилган ҳам Аллоҳ Таолодир. Бу ҳукмларнинг барчаси уларга бўйсуниш ва уларни бажариш лозимлиги жиҳатидан бир-бирларидан фарқ
119-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208